Skip to content

இரு மடங்காக ஏறும் மின்கட்டணத்தை தடுப்போம்!

பன்னாட்டு நிறுவனங்களுக்கு சலுகை மின்சாரம் கொடுப்பதற்காக நம்மைச் சுரண்டப் போகும் மின் உயர்வைத் தடுப்போம்!! 

வீடுகள், சிறு வணிக-தொழில் நிறுவனங்கள் ஆகியவற்றின் மின் கட்டணத்தை அடுத்த மாதம் முதல் இரண்டு மடங்கிற்கும் அதிகமாகக் கூட்ட அரசு முடிவு செய்துள்ளது.

கடந்த 20 வருடங்களில் அரசுக்கு சொந்தமாக புதிய மின் நிலையங்களை உருவாக்குவதற்கான அனுமதி மறுக்கப்பட்டு உற்பத்தி சிறிது சிறிதாகக் குறைக்கப்பட்டது. மின்சார உற்பத்தி தனியாருக்குத் தாரை வார்க்கப்பட்டது. தனியார் மின் நிலையங்களில் இருந்து கூடுதல் விலைக்கு மின்சாரம் வாங்க வேண்டிய நிர்ப்பந்தம் ஏற்படுத்தப் பட்டது. நம் மின்சாரத்துறை கடுமையான நட்டத்தை சந்திக்க வேண்டிய சூழ்நிலை உருவாக்கப்பட்டது.

விரிவாகச் சொல்வதானால் 1994-95 இல் தமிழக அரசின் உற்பத்தி, மொத்த தமிழகத் தேவையில் 65%ஆக இருந்தது. மத்திய அரசு தொகுப்பிலிருந்து மீதமுள்ள 34.5% பெறப்பட்டது. தனியாரிடம் இருந்து வெறும் 0.5% மின்சாரம் வாங்கப்பட்டது. இந்த காலங்களில் வருவாய் மின்சார வாரியத்திற்கு அதிகமாகவும், உபரியாகவும் இருந்த்து. இதைக் கொண்டு புதிய மின் உற்பத்தி திட்டங்களை கொண்டு வர இயன்றது. மேலும் விவசாயம், குடிசைகள், நலிவடைந்த தொழில்களுக்கு சலுகையாக அளிக்கவும் முடிந்தது. 1994ஆம் ஆண்டுக்கு பின்னர், அந்த சமயத்தில் மத்தியில் இருந்த காங்கிரஸின் மன்மோகன்சிங், மாண்டெக் சிங்கின் புதிய பொருளாதாரக் கொள்கையால் தமிழ்நாடு மின்சார வாரியம்( அனைத்து மாநிலங்களுக்கும் இதே கதிதான்) சுயமாக மின் உற்பத்திச் செய்வதற்கான அனுமதி மறுக்கப்பட்டது. மாறாக தனியாரிடம் இருந்து மட்டுமே வாங்க வேண்டும் எனச் சொல்லப்பட்டது. இதன் அடிப்படையில் 1994இல் 3858 கோடி ரூபாய் இலாபம் ஈட்டிய மின்சாரவாரியம் 2001இல் ரூ4851 கோடி நட்டத்தை சந்தித்தது. மேலும் மின்சாரத்தேவை 1994 இல்(29075 மில்லியன்   யூனிட்) இருந்ததைப் விட 2007இல் தேவை 100% (66,815 மில்லியன் யூனிட்) உயர்ந்தது (இருமடங்காகியது). மாநில அரசு சுயமாக மின் உற்பத்திச் செய்யப்படுவதை தடுத்த மத்திய அரசு, தான் பங்களிக்கும் மின்சாரத்தை வெறும் 50% மட்டுமே உயர்த்தியது. 1994இல் வெறும் 0.5% மின்சாரம்(122 மில்லியன் யூனிட்) உற்பத்திச் செய்த தனியார் நிறுவனங்கள், 2007இல் 50%ஆக  ( 23,924 மில்லியன் யூனிட்) மின் உற்பத்தியை செய்ய ஆரம்பித்தது.

இதன் மூலம்  மாநில மின்சார வாரியம் தனியார் உற்பத்தியை சார்ந்து நிற்க மறைமுகமாக கட்டாயப்படுத்தியது. மேலும் மத்திய அரசு தனது கடமையை கைகழுவி, மின்பகிர்மானம்-உற்பத்திக் கட்டுப்பாட்டை தன் கையில் கொண்டு வந்தது.அதாவது மாநில அரசு தனது இறையாண்மையை இழந்தது.  இதனடிப்படையிலேயே நாம் கூடன்குளம்-கல்பாக்கம் அணு மின் உற்பத்தியையும் பார்க்க முடியும். இது மத்திய அரசின் உற்பத்தி திட்டம். இதன் மூலம் மத்திய அரசு மேற்குலக நாடுகளுக்கு ஒப்பந்தமிட்டு தனியாரை ஊக்குவிக்கிறது. மேலும் அணு ஒப்பந்ததில் பெரும் பணத்தை இலஞ்சமாக பெறவும் வழிவகை செய்கிறது. ஆனால் உற்பத்தியாகும் மின்சாரம் தமிழகத்திற்கோ, அதன் மக்களுக்கோ அளிக்கப்பட போவதில்லை. இது தனியார் நிறுவன்ங்களுக்கும், பிற நாடுகளுக்கும் ஏற்றுமதி செய்யப்படப்போகிறது.

இந்த மக்கள் விரோத தனியார்-மின்வாரிய ஒப்பந்தங்களை நடைமுறைபடுத்த உயர் நீதிமன்றத்தின் வழியாக மக்களோ, ஆர்வலர்களோ, இயக்கங்களோ தலையிடாமல் இருக்க மின்சாரத்திற்கென ஒரு நீதிமன்றம் பாணியிலான (பஞ்சாயத்து) ஒரு மன்றம் “ஒழுங்குமுறை ஆணையம்” என்கிற பெயரில், புதிதாக இயற்றப்பட்ட “மின்சார ஒழுங்கு சட்டம் “ இயற்றப்பட்ட்து. இவை அனைத்தும் தனியாரிடம் உற்பத்தியை அளிப்பதும், மாநில அரசுகள் மின் உற்பத்தியை செய்வதை தடுத்து மின்சார கொள்முதல் ஒப்பந்தங்களை தனியாரின் நலனுக்க்கு ஏற்ப அளிக்கச் செய்வதற்காக மத்திய அரசால் உருவாக்கப்பட்டது. உலகமயமாக்கலை இந்தியாவில் நடைமுறைக்கு கொண்டு வந்த காங்கிரஸ்-மன்மோகன் மேற்குலக அரசின் திட்டத்தின் படி இதை செய்தார்கள். இதன் மூலம் மாநில அரசின் கட்டுப்பாட்டில் மின் உற்பத்தியும், மின்சார கொள்முதல் விலை நிர்ணயமும் இருக்காமல் வழிவகை செய்தது மத்திய அரசு. இதனால் மா நில அரசுகள் சலுகை விலையில் மின்சாரம் விவசாயம்-குடிசை போன்றவர்களுக்கு அளிப்பதை தடுக்க இயலும்.

மேல்சொன்ன அனைத்து நட்டத்தையும் சாத்தியப்படுத்துவதற்காக வேலை செய்ய வழி வகுத்தது மின்சார ஒழுங்குமுறை ஆணையம். இந்த ஆணையம் தனியாருக்கும்-மின்சார வாரியத்திற்கும் உண்டான வழக்குகளில் தனியார் நிறுவன்ங்களுக்கு ஆதரவாக செயல்பட்டு பெரும் தொகையை பெறுவதற்கு ஏதுவாக தீர்ப்பளித்தது.  இதன் மூலம் வருட்த்தில் 330 நாட்களும் இயங்காமல் செயல்பட்ட தனியார் நிறுவன்ங்கள் கூட ஒரு நாளைக்கு ஒரு கோடி ரூபாய் பணத்தை மின்சார வாரியத்திடமிருந்து பெற முடிந்தது. தனியார் காற்றாலைகளுக்கு ஏதுவாக வருடந்தோரும் 600 கோடி ரூபாய் நட்ட்த்தை மின்சார வாரியத்திற்கு உருவாக்கியது இந்த ஒழுங்குமுறை வாரியம். சாஃப்டுவேர் நிறுவனங்கள் கேட்காத போதும் கூட, இந்த நிறுவனங்களுக்கு கட்டணச் சலுகையும் அறிவித்தது. இதை விட உச்சகட்டமாக 189 கோடி ரூபாய் கேட்டு மின்சார வாரியத்தின் மீது வழக்கு தொடர்ந்த  பி.பி.என் என்கிற நிற்வனத்திற்கு கிட்ட்தட்ட 1050கோடி ரூபாய் நட்ட ஈட்டை வழங்கச் சொல்லி உத்திரவிட்ட்து இந்த ஆணையம். இவ்வாறு இதுவரை கிட்ட்தட்ட 53,298 கோடி ரூபாய் நட்டத்தை உருவாக்கி இருக்கிறது.

முன்னர் இதே போல தனியார் நிறுவனங்களுக்கும், பன்னாட்டு கம்பெனிகளுக்கும், சாஃப்டுவேர் நிறுவனங்களுக்கும்  சலுகை விலையில் மற்றும் முன்பிருந்த விலையிலிருந்து குறைத்து மின்சாரத்தைக் கொடுத்த காரணத்தால் நம் மின்சாரத்துறைக்குக் கடுமையான கடன்சுமை ஏற்படுத்தப் பட்டது.

பன்னாட்டுக் கம்பெனிகளுக்கு மின்சார விலையில் அளித்த சலுகையின் காரணமாகக் கிட்டதட்ட ரூ.50 ஆயிரத்து 512 கோடியை நம் மின்சார வாரியம் இழந்துள்ளது. அந்த இழப்பினைப் பொதுமக்களான நம்மிடம் இருந்து வசூலிக்க முடிவு செய்யப் பட்டுள்ளது. முதல் தவணையாக ரூ.9741 கோடி ரூபாயை வசூலிக்க முடிவெடுக்கப்பட்டிருக்கிறது. இதன் படி நமது மின்சார கட்டணம் இரண்டு மடங்காக உயரப்போகிறது.

மின்வாரியத்தின் மொத்த இழப்பீட்டில் வெறும் ரூ.9741 கோடி ரூபாயை வசூலிக்கவே நம் மின் கட்டணத்தை இரண்டு மடங்காக உயர்த்தப் போகிறார்கள். மீதமுள்ள ரூ.40771ஆயிரம் கோடியை வரும் ஐந்து ஆண்டுகளில் வசூலிக்கப் போவதாக சொல்லி இருக்கிறார்கள். அப்போது, அடுத்து வரும் ஆண்டுகளில் நம் மின் கட்டணம் எத்தனை மடங்கு அதிகரிக்கப் போகிறது என்பதை நீங்களே கணக்கிட்டுக் கொள்ளுங்கள்.

இவ்வளவுக்கும் காரணம் யார்? 

மத்திய அரசின் தனியார் மயக் கொள்கையை 1990ஆம் ஆண்டுகளில் கொண்டு வந்த காங்கிரஸ்- மன்மோகன் கூட்டனியும், மத்திய அரசால் உருவாக்கப்பட்ட  மின்சார ஒழுங்குமுறை வாரியத்தின் (மின்சார வாரியத்திற்கான நீதிமன்றம்) நடவடிக்கையே இதற்குக் காரணமாகும். தனியார் மின் உற்பத்தி நிறுவனங்கள் தமக்கு மின் உற்பத்தியில் நட்டம் ஏற்பட்டுள்ளது  என்று கேட்கும் போதெல்லாம் அந்தத் தொகையையும், சில சமயங்களில் அதற்குக் கூடுதலான தொகையையும் மின்சார ஒழுங்குமுறை வாரியம் நம் மின்சாரத் துறையிடமிருந்து வாங்கிக் கொடுக்கும் செயலில் ஈடுபட்டு வருகிறது. இந்த நடவடிக்கை பெரும்பாலான நமது நலனுக்குப் புறம்பாகவே அமைந்துள்ளது. நம்மைக் கடன் சுமையில் ஆழ்த்தும் செயலையே அது செய்திருக்கிறது. அதோடு நிற்காமல், பன்னாட்டு நிறுவங்களுக்குப் போதுமான மின்சாரம் அளிப்பதாலும், மிகச்சலுகை விலையில் தடையில்லா மின்சாரம் வழங்குவதாலும் ஏற்படும் நட்டம் அனைத்தையும் நம்மிடமிருந்து வசூலிக்கும் செயலிலும் அது ஈடுபட்டு வருகிறது. வேறு எவருக்காகவோ சலுகை அளிக்க வேண்டி நம்மிடம் பணம் வசூலித்தது போதாதென்று, அவர்களுக்காகத் தங்கு தடையின்றி மின்சாரம் வழங்குவதற்காக நம் உடைமையையும், உயிரையும், நிலத்தையும், சந்ததிகளையும் அழிக்க வல்ல கூடங்குளம் மற்றும் கல்பாக்கம் அணு மின் நிலையங்கள் போன்ற மின் நிலையங்களை அமைப்பதற்கும் இந்த வாரியமும், அதனை அமைத்த மத்திய அரசும் முழு முயற்சி செய்து வருகின்றன.

2010 ஆண்டில் மென்பொருள் நிறுவனங்களுக்கு (சாஃப்டுவேர் நிறுவனங்கள்) யூனிட் ஒன்றுக்கு 2.50 ரூபாய் சலுகையை இந்த வாரியம் அளித்தது. இவ்வாறு குறிப்பிட்ட சில துறைகளுக்கும், பன்னாட்டு நிறுவனங்களுக்கும் சலுகைகைகள வாரி வழங்கி வழங்கியே நம் மாநிலத்தின் மின்சாரத்துறையை அது மீழாக் கடனில் தள்ளியுள்ளது. உலகமயமாக்கல், தனியார்மயம், தொழில் துறையில் 10% வளர்ச்சி என்று பேசி பேசியே இன்று பிறரின் சுமையை இந்த வாரியம் நம் தலையில் ஏற்றி வைத்துள்ளது.

இந்த வாரியத்தை அமைத்த மத்திய அரசோ, கூடங்குளம்,கல்பாக்கம் அணு மின் நிலையங்களை நம் தலைமுறையை அவை அழிக்கும் என்று தெரிந்தே தனியாருக்கு மின்சாரம் வழங்க வேண்டுமென்பதற்காக நம் மீது திணிக்கின்றது. அணுமின்சார உற்பத்தி விலை அதிகமானது. அதனை சரி செய்ய வேண்டுமென்றால்  இந்தக் கட்டண உயர்வு செய்யப்பட்டேயாக வேண்டும். இது கற்றறிந்தோரின் அறிவுரை. அவர்களின் அறிவுரை நியாயமானது, உண்மையானது.

இதையெல்லாம் எதிர்த்து நாம் விளக்கங்களையும், கேள்விகளையும் கேட்க வேண்டாமா?

அடுத்த சில மாதங்களிலேயே வீடுகள், சிறு கடைகள், சிறு வணிகங்கள், தொழிற்சாலைகளுக்கு மின் கட்டணம் இரண்டு மடங்கிற்கும் அதிகமாக உயரவிருக்கிறது.  இதன் மூலம் நமது வருமானம் சுரண்டப்டுவதும் நமது தொழில் முடங்குவதும், விலைவாசி ஏறுவதும் நடக்கும். மேலும் பன்னாட்டு நிறுவனங்களுக்கு மின்சாரம் சலுகை விலையில் அளித்து அவர்களின் உற்பத்தியை அதிகரித்து நமது தொழிலை முடக்கப் போகிறார்கள். மின்சார கட்டணத்தைக்  கட்ட இயலாமல் ஏழைகள் மின் தொடர்பை துண்டிக்கும் நிலை வெகு விரைவில் வர உள்ளது. இதன் காரணமாக அவர்கள் குழந்தைகளின் கல்வியும் பாழ்படப் போகும் சூழ்நிலை உருவகியுள்ளது.

தற்போழுது ஹுண்டாய் மோட்டர், போர்டு, நோக்கியா போன்ற வெளி நாட்டு நிறுவனங்களுக்கு 24 மணி நேரமும் மின்சாரம் வழங்குவதற்காக நம்மிடம் மின்சாரத் தடையை அமல் படுத்தி வருகிறார்கள். இனிவரும் காலங்களில், மின்சாரக் கட்டணம் பயங்கரமாக ஏறப்போகிறது. அப்போது மின்சாரக் கட்டணத்தைக் கட்ட முடியாமல் நமது மின் இணைப்புகள் துண்டிக்கப்படும் நிலை உருவாகும்.துண்டிக்கப்பட்ட நம் இணைப்புகளில் இருந்து கிடைக்கும் உபரி மின்சாரத்தை சேமித்து, அதனைப் பன்னாட்டு நிறுவனங்களுக்கு சலுகை விலையில் மகிழ்ச்சியாக வழங்கப் போகிறார்கள். இப்படியாக நம் எதிர்காலம் விடிய இருக்கிறது.

ஆகவே, விழிப்புடன் இருப்பதற்கான தருணம் இது!

பால் விலை உயர்வு, பேருந்து கட்டண உயர்வு நம்மால் தடுக்க முடியாது போனது. ஆனால் மின்கட்டண உயர்வு பற்றி நமது கருத்தைக் கேட்க ஒரு கூட்டம் நடக்க உள்ளது! அதில் நமது மறுப்பை ஆயிரமாய் குடும்பத்துடன் திரண்டு தெரிவித்தால் இந்த கட்டண உயர்வை நிச்சயம் தடுக்க முடியும்.

மின் கட்டணம் உயர்ந்தால் அனைத்துப் பொருட்களும் விலை உயரும். ( பால் கட்டணம் கூட மேலும் உயரும்.)

இதற்காகவாவது ஒரு மணி நேரம் நாம் செலவழிக்க மாட்டோமா?.. எப்பொழுதுமே நாம் நமது பிரச்சனைகளுக்கு வீதிக்கு வராததால் இழந்த்து ஏராளம். தனியார் கம்பெனிகளும், பன்னாட்டு கம்பெனிகளும் கொள்ளை அடிக்க நம் உழைப்பை தாரை வார்க்க விடவேண்டுமா?

வரும் திங்கள் 30-01-12  காந்தியடிகள் கொலை செய்யப்பட்ட நாளன்று கருத்துக் கேட்பு கூட்டம் காலை 10.00 மணிக்கு  சென்னை ராஜா அண்ணாமலை மன்றத்தில் நடக்கிறது. இதை “மின்சார ஒழுங்குமுறை ஆணையமே” நடத்துகிறது. ஆகவே அவர்களை கேள்வி கேட்போம்.

அனைவரும் திரளுவோம். உங்கள் குடும்பத்தினருக்குச் சொல்லுங்கள், நண்பர்களுக்கு, அண்டை வீட்டாருக்கு, சக ஊழியருக்கு, உறவினருக்குச் சொல்லுங்கள். நாம் அனைவரும் ஒன்று கூடுவோம். இந்த கொள்ளையை தடுப்போம். அரசின் கஜானாவில் இருந்து தனியார் நிறுவனங்கள் சுரண்டிச் செல்லும் பணத்தை மீட்கச் சொல்லுவோம்.

நமது கோரிக்கைகள் இதுதான்: 

  1. தனியார்-பன்னாட்டு நிறுவனங்களுக்கு மின்சாரத்தைக் கூடுதல் விலையில் விற்க வேண்டும்!
  2. வீடுகளுக்கு, சிறு தொழில்-நிறுவனங்களுக்கு சலுகை விலையில் மின்சாரம் வழங்கப்பட வேண்டும்!
  3. அனைவருக்கும் ஒரே மாதிரியாக மின்சாரம் விநியோகிக்கப்பட வேண்டும். சிலருக்குத் தடையற்ற மின்சாரமும், பலருக்கு மின்வெட்டும் மக்களாட்சியில் ஏற்புடையதல்ல!
  4. மின்சாரம் மக்களின் வாழ்வாதாரம்! கடைச்சரக்கல்ல! மின்சாரத்தைக் கடைச் சரக்காக்கிய 2003 மின்சார சட்டம் உடனடியாக ரத்து செய்யப்பட வேண்டும்.
  5. சந்ததிகளை அழிக்கும் அபாயகரமான குறுக்குவழி மின் உற்பத்தி முறையான அணு மின்சாரம் நமக்குத் தேவையில்லை!!
  6. மின்சார ஒழுங்கு முறை ஆணையம் கலைக்கப் படல் வேண்டும். மா நில அரசு சுய உற்பத்திச் செய்ய வழிவகை செய்யப்பட வேண்டும்.
  7. தனியாருக்கு ஆதரவாக செயல்பட்டு 50,000 கோடி ரூபாய்க்கு நட்டம் ஏற்படுத்திய முன்னால்-இன்னால்  ஒழுங்குமுறை ஆணைய நீதிபதிகள் கைது செய்யப்பட்டு விசாரிக்கப் பட வேண்டும்.

சிறு தொழில்கள் பெருகட்டும்!! நமது வீட்டுப் பணம் சேமிப்பாகட்டும்!!

சென்னை மட்டுமல்லாது பிற இடங்களிலும் கருத்துக் கேட்பு நடத்தப் படுகிறது. அந்த ஊரில் உள்ள உங்கள் நண்பர்களுக்கு சொல்லுங்கள். நாம் திரளுவோம். நாம் எதிர்ப்பு தெரிவித்தால் நிலை மாறும். கட்டணம் உயர்த்தப்படாது. போராடத் தயாராவோம்.

30-1-2012 -சென்னை ராசா அண்ணாமலை மன்றம் காலை 10.00 மணி

2-2-2012 – கோவை மாநகராட்சி கலையரங்கம்

6-2-2012 – திருச்சி செயின் ஜோசப் கல்லூரி

10-2-2012 – மதுரை மருத்துவகல்லூரி

அனைவரும் இந்த கூட்டங்களுக்கு செல்வோம்,  உங்கள் குடும்பத்தினருக்குச் சொல்லுங்கள், நண்பர்களுக்கு, அண்டை வீட்டாருக்கு, சக ஊழியருக்கு, உறவினருக்குச் சொல்லுங்கள். நாம் அனைவரும் ஒன்று கூடுவோம். இந்த கொள்ளையை தடுப்போம். அரசின் கஜானாவில் இருந்து தனியார் நிறுவனங்கள் சுரண்டிச் செல்லும் பணத்தை மீட்கச் சொல்லுவோம்.

விலை உயர்வு விவரம்

தற்போது வீட்டுக்கு

75பைசாவிலிருந்து  – 150 பைசா

150பைசாவிலிருந்து  – 200 பைசா

250 யூனிட்டுக்கு மேல் – 575 பைசா

கடைகளுக்கு – 200 + 700 பைசா

ஆனால் IT நிறுவனங்களுக்கு கட்டணம் 700 பைசாவுக்கு பதில் 500 பைசாவாக குறைக்கப்பட இருக்கிறது.

தனியார் அடித்த கொள்ளைகளை அறிந்து கொள்ளுங்கள்

ஏழு தனியார் மின் நிலையங்கள் கொண்டுபோன சட்ட புறம்பான தொகை 400 கோடி

7000 காற்றாலைகள் பெற்ற மொத்த மானியம் 10,280 கோடி

7000 காற்றாலைகள் பெற்ற சலுகை கடந்த ஐந்து ஆண்டுகளில் 5150 கோடி

189 கோட்ட தனியார் வழக்கில் மின்சார ஆணையம் வழங்கியது 1050 கோடி

மக்கள் நாம் திரள்வோம். மின்சாரத்தின் பெயரால் அணு உலை வாயிலாகவும், நேரடி கட்டணம் மூலமாக நம் அடிவயிற்றில் கைவைப்பதை இன்றே தடுப்போம்.

இந்தச் செய்தியை பரப்ப உதவுங்கள். நண்பர்களிடத்தில் பகிருங்கள். அனைவரையும் வரச் சொல்லுங்கள். அனைவரும் இணைவோம்.

நாம் வெல்வோம்

மே பதினேழு இயக்கம்

9600781111 | 9444146806 | 9443486285

————————————————————————————————

தரவுகள்–

நன்றி – தமிழ்நாடு மின்துறைப் பொறியாளர்கள் அமைப்பு  | பதிவு 141/திருச்சி

சமூக தளங்களிலும் மாணவர் போராட்டங்கள் குறித்த தகவல்களை எழுத வேண்டும்

TN Students Revolution - 2013

தோழர்களே பல வருடங்களுக்கு பிறகு தமிழகத்தில் தன்னெழுச்சியான மாணவர் போராட்டம் நடக்கிறது.

நேற்றைய தினத்தைவிட இன்று அதிக அளவில் மாணவர்கள் களத்தில் இறங்கியுள்ளனர். நேற்றைய தினத்தை விட இன்று தான் போராட்டம் மிக தீவிரமாக நடந்து வருகிறது.

ஆனால் ஊடகங்களோ இன்று டெசோ நடத்தும் பந்த் குறித்து தொடர்ச்சியாக செய்திகள் வெளியிடுகிறதே தவிர மாணவர்கள் போராட்டத்தை வெளிப்படுத்தவில்லை அப்படியே செய்தி வெளியிட்டாலும் கூட மாணவர் போராட்டத்தை இருட்டடிக்கும் நோக்கத்துடன் அனைத்து ஊடகங்களும் மாணவர்களின் கோரிக்கையை மாற்றி சொல்லியும்.

போராட்ட மாணவர்களின் எண்ணிக்கையை குறைத்து சொல்லியும் வருகின்றன. எனவே அனைத்து தோழர்களும் நாம் நம் கடமையை உணர்ந்து தொடர்ச்சியாக அனைத்து சமூக தளங்களிலும் மாணவர் போராட்டங்கள் குறித்த தகவல்களை எழுத வேண்டும்.

மேலும் நமது தொடர்பிலிருக்கும் மாணவர்களை போராட ஊக்கப்படுத்த வேண்டும். இப்பொழுது நாம் செய்யத்தவறினால் இனி நாம் எப்பொழுதுமே செய்ய முடியாது.

மாணவர் புரட்சி வெல்லட்டும் தமிழீழம் மலரட்டும்.

Press meet – Artificial Power cuts in Tamil Nadu

செயற்கை மின்வெட்டை உருவாக்கிய காங்கிரஸ் மத்திய அரசு- பத்திரிக்கையாளர் சந்திப்பு — மே பதினேழு இயக்கம

கூடங்குளம் போராட்டம் – ஒவியக்கண்காட்சி

கூடங்குளம் போராட்டம் - ஒவியக்கண்காட்சி

கூடங்குளம் போராட்டம் – ஒவியக்கண்காட்சி
/ Koodankulam Protest – Painting Exhibition

தூரிகை கொண்டு உண்மையை பரப்புவோம்!
உண்மை கொண்டு அணுஉலையை விரட்டுவோம்!

11 மார்ச் March 2012 | ஞாயிற்றுக்கிழமை Sunday | காலை 10 மணி முதல் – மாலை 6 மணி வரை | பி.எட் அரங்கம், லயோலா கல்லூரி சென்னை B.ed Hall, Loyola College, Chennai

அனைவரும் வருக!

அணுஉலைக்கு எதிரான ஓவியர்கள் முகாம் – 9994743071

Save Tamils Movemnt

இந்தியாவின் சிவசங்கர் மேனன், எம் கே நாராயணன் ….

இந்தியாவின் சிவசங்கர் மேனன், எம் கே நாராயணன், இலங்கைக்கான இந்தியத் முன்னால் தூதர் அலோக் பிரசாத் உள்ளிட்டவர்களை காங்கிரஸின் 2009க்கான அமைச்சர்கள் போர்குற்றவிசாரணைக்கு உள்ளாக்கப்படக் கூடிய அனைத்து தகுதிகளுடன் வலம் வருகிறார்கள்.

தமிழகத் தமிழர்களின் போராட்ட குறிக்கோள் மேற்குறிப்பிடப்பட்டவர்கள் மீது குற்றம் சாட்டப்பட்டு விசாரனைக்குள்ளாக்கப்பட்டு தண்டிக்கப்பட வேண்டும். இதைச் சாத்தியப்படுத்தப்படும் போது மட்டுமே தமிழீழ விடுதலையை தடுக்கும் வேலையை செய்வதற்கான வலிமையை இந்திய அரசு இழக்கும். ..

தமிழர்கள் மட்டுமல்ல இந்திய தேசியத்தை நேசிப்பவர்கள் கூட இந்தியாவின் மீதான இரத்தக் கறையை நீக்கவேண்டும் என்றால் இது ஒரு குறைந்தபட்ச வேலையை முன்னெடுத்தல் அவசியம். அவ்வாறு முன்னெடுக்கும் போது நீங்கள் அதன் முடிவில் உங்களை இந்தியர் என்று அழைத்துக்கொள்வீர்களா என்பது சந்தேகமே…

இங்குள்ள பலர் அவ்வாறு ஒரு வேலையை செய்ய முயன்று, தாம் ஒரு இந்தியர் என்றால் கூனிக்குறுகும் ஒரு குற்ற உணர்ச்சி நிலையை உணர்ந்தவர்களே…. முயன்று பாருங்கள் எனது இந்தியத் தோழர்களே!.. இம்மூவர் தண்டிக்கப்படும் போது தாமும் ஒரு குற்றவாளி என நாம் உணருவோம்… குறிக்கோளை இம்மூவரை நோக்கி நகர்த்துவோம்.

Thirumurugan Gandhi

தமிழர்களின் எதிர்காலத்தை வடிவமைக்க ஒரு நாள் கருத்தரங்கு

இரண்டாம் ஆண்டாக தமிழர்களின் தற்கால நிலைமையை கருத்தில் கொண்டு, தமிழர்களின் எதிர்காலத்தை வடிவமைக்க ஒரு நாள் கருத்தரங்கு ஒன்றை நடத்த உள்ளோம். இதில் பல்வேறு தலைப்புகளில் அறிஞர்களை கொண்டு அலசயிருக்கிறோம். கலந்து கொள்பவர்கள் தமிழர் நலன்சார்ந்தவர்களாக இருத்தல் அவசியம். குறிப்பட்ட அளவு இருக்கைகளே உள்ளன.

ஆதலால் முன் பதிவின் அடிப்படையில் விவாதம் செய்பவர்களை சேர்க்கிறோம்.

தமிழ் உணர்வாளர்களுக்கு இது ஒரு நல்ல பயிற்சிக் களம் மற்றும் அறிவை, தொடர்பை விரிவு படுத்தும் களமாக அமையும் என்பதில் சந்தேகமில்லை. உலகில் பல்வேறு இடங்களில் இருந்து தமிழர்கள் வர இருக்கிறார்கள்.

இந்த அரிய வாய்ப்பை பயன்படுத்துமாறு தோழர்களை கேட்டுக் கொள்கிறேன். வாருங்கள் தமிழர்களுக்கு சிறந்த ஒரு எதிர்காலத்தை படைப்போம்.

இந்த செய்தியை உங்கள் நண்பர்களுக்கும் பகிருங்கள். தொடர்புக்கு 9566224027.

Rajkumar Palaniswamy

கூடங்குளம் அணுமின் நிலையத்திற்கு ஆதரவாக மக்களைத் திருப்பும் நோக்குடன் மத்திய அரசு – by Stalin Panimayam

Dr. Shantha - Cancer Institute [Indian Govt. Cheating]

நண்பர்களே, சென்னை அடையாரிலுள்ள கேன்சர் இன்ஸ்டிட்யூட்-இன் தலைமைப் பதவியில் நீண்ட காலமாக இருக்கும் டாக்டர் சாந்தா, கேன்சர் நோயாளிகளுக்கு சேவை செய்ததற்காக சர்வ தேச அளவில் மிகவும் மதிப்பு பெற்ற மக்ஸேஸே அவார்ட் என்னும் பரிசு பெற்றவர்.

கூடங்குளம் அணுமின் நிலையத்திற்கு ஆதரவாக மக்களைத் திருப்பும் நோக்குடன் மத்திய அரசு அமைத்துள்ள‌ நிபுணர் குழுவில் இவர் உறுப்பினராக உள்ளார்.

“அணுக்கதிர் வீச்சினால் கேன்சர் நோய் வரவே வராது” என்று அரசாங்க தொலைக்காட்சி விளம்பரப்படம் ஒன்றில் இவர் கூறுவது மக்கள் மத்தியில் மிகுந்த பாதிப்பை ஏற்படுத்தி உள்ளது. இவர் வாயினால் இப்படிக் கூறினால் மக்கள் ஏற்றுக் கொள்ளுவார்கள், அதினால் கூடங்குளம் அணுசக்தி எதிர்ப்புப் போராட்டக் குழுவினரை முறியடிக்க முடியும் என்று எண்ணி மத்திய அரசு டாக்டர் சாந்தாவை கெட்டிக்காரத்தனமாக பயன்படுத்திக் கொண்டுள்ளது. அவரும் மக்களை கூடங்குளம் அணுமின் நிலையத்திற்கு ஆதரவாகத் திருப்பும் வேலையில் ஈடுபட்டுள்ளார்.

அணுக்கதிர் வீச்சினால் கேன்சர் நோய் ஏற்படுவது நன்கு அறியப்பட்ட உண்மை. உலகறிந்த இந்த உண்மையை, தம்முடைய படிப்பு, தொழில், அனுபவம் மூலமாக நன்றாக அறிந்த உண்மையை அரசாங்கத்திற்கு வால் பிடிப்பதால் கிடைக்கும் ஆதாயங்களுக்காக‌ டாக்டர் சாந்தா மறுக்கிறார். இது அவர் நம் மக்களுக்கும் அவருடைய மருத்துவத் தொழிலுக்கும் செய்யும் துரோகமாகும். அவருடைய கேன்சர் இன்ஸ்டிட்யூட் மருத்துவ மனையிலேயே கல்பாக்கம் அணுமின் நிலையத்தின் அருகிலுள்ள பகுதிகளில் அணுக்கதிர் வீச்சால் கேன்சர் நோய்க்குள்ளான மக்கள் சிகிச்சை பெறுவது இங்கு குறிப்பிடத்தக்கது.

கேன்சர் நோயாளிகளுக்கு சேவை செய்ததற்காக(?) டாக்டர் சாந்தாவிற்கு கொடுக்கப்பட்ட மக்ஸேஸே பரிசை திருப்பிப் பெறக் கோரி மக்ஸேஸே அமைப்பிற்கு நாம் ஒவ்வொருவரும் கடிதம் அனுப்ப வேண்டும். இமெயில், ஃபேக்ஸ் மூலமும் அனுப்பலாம். இதை ஒரு மக்கள் இயக்கமாகவே நடத்தலாம்.

கடிதத்திற்கான வரைவை கீழே கொடுத்துள்ளேன். பயன்படுத்திக்கொள்ளவும். பல ஆயிரம் கடிதங்கள் (தபால், இமெயில், ஃபேக்ஸ் மூலம்) பிலிப்பைன்ஸ் நாட்டிலுள்ள ரமோன் மக்ஸேஸே அவார்ட் ஃபவுன்டேஷன்-க்கு அனுப்பப்பட வேண்டும். அந்த அமைப்பின் தொடர்பு விவரங்கள் கீழ் வருமாறு:

Ramon Magsaysay Award Foundation
Ground Floor, Ramon Magsaysay Center
1680 Roxas Boulevard,
Manila, Philippines
P.O. Box 3350, Manila

Tel nos. : (632) 521-3166 to 85
Fax no. : (632) 521-8105

Email : rmaf@rmaf.org.ph

The draft of the petition may be circulated among the public to enable as many people as possible to send it to the Foundation.

(குறிப்பு: இந்த முயற்சிக்காக, சம்பந்தப்பட்ட தொலைகாட்சி விளம்பரத்தின் காணொளி நகல் வேண்டுமென்று நண்பர்களிடமும் fb குழுமத்திலும் வேண்டுகோள் வைத்துப் பார்த்தேன். கிடைக்கவில்லை. )

———————————–

February 09, 2012

To

Hon’ble Chairperson and Trustees
Ramon Magsaysay Award Foundation
Ground Floor, Ramon Magsaysay Center
1680 Roxas Boulevard,
Manila, Philippines
P.O. Box 3350, Manila

Sir,

Sub.: Appeal to strip Dr.Shantha of the Magsaysay award, against her false statement that there is no relation between cancer and radiation

I submit the following information to your kind knowledge with a request for necessary action as I think that the activities of Dr.Shantha, an awardee of the prestigious Magsaysay prize, has blatantly violated the very purpose for which the award was conferred on her, badly damaging the prestige of the Foundation in the process.

Dr. Shantha, Chairperson, Cancer Institute, Chennai, India, was awarded the Magsaysay prize in 2005 for public service and her “untiring leadership of the Cancer Institute as a centre of excellence and compassion for the study and treatment of cancer in India.”

Recently, Dr. Shantha has stated in a government of India propaganda film, “After extensive studies in and around nuclear plants, we found there is no relation between cancer and radiation.” The television advertisements produced and used by the Nuclear Power Corporation of India is aimed at coercing the people of Tamil Nadu state in general and the people of Kudankulam area in particular into accepting commissioning of six Russian made 1,000 MW nuclear reactors in Kudankulam at the southern tip of India. Two of the reactors have already been installed and are ready for operations.

The appearance and the statement of Dr. Shantha, a renowned oncologist, in the film assume great significance as she is involved in treatment of cancer for the past about 50 years and is heading the prestigious Cancer Institute in Chennai, India.

It is a matter of great shame that Dr. Shantha has blatantly lied to support the government at the cost of the welfare of millions of people. Her statement has come as a rude shock to all, since it is a proven and accepted fact that nuclear radiation causes cancerous diseases. Dr. Shantha has knowingly and willingly collaborated with the government to misguide the people into believing that potential radiation from the reactors of Kudankulam Nuclear Power Station will not be harmful to humans.

Dr. Shantha has done gross injustice to her calling by making a medically incorrect statement, which will have serious negative ramifications among the general public as well as the learned elite in the understanding of nuclear radiation and its effects on people exposed to it.

It may be recalled here that it is mandatory to provide precautionary protection to patients and technicians who are exposed even to the low level radiation from clinical X-ray machines so as to prevent occurrence of cancer in them. I only believe that Dr. Shantha has not done away with the protective shields in the X-ray labs and the medical scanning equipments in the Cancer Institute.

The appearance of Dr. Shantha in the advertisement film was widely reported* by the press across the country, as she had been cleverly enlisted by the government to bolster its false claims about safety of nuclear plants.

Dr.Shantha enjoys the benefits of being a member in the Indian government’s panel of experts to campaign in support of the nuclear plants.

The government of India has been suppressing the popular protests against the opening of the nuclear reactors in Kudankulam by labeling the protests as the outcome of “doubts of local villagers and fishermen”, while the protests have a sound scientific basis.

I earnestly appeal to the Ramon Magsaysay Award Foundation to withdraw forthwith the Magsaysay prize awarded to Dr. Shantha in 2005, since her participation in the misinformation campaign of the government nullifies the purpose of the prize, while her action is completely contradictory to the very spirit of the prestigious prize.

Thank you.

Yours sincerely,

Name: ………………………………………

Contact particulars:
…………… ………………………………..
………………………………………………
………………………………………………
………………………………………………

*Media reports on Dr.Shantha’s appearance in the television advertisement:

articles.timesofindia.indiatimes.com/2012-01-11/chennai/30616713_1_kudankulam-kaiga-nuclear-plant-nuclear-power-corporation

www.firstpost.com/india/koodankulam-ad-campaign-vs-wailing-protest-178017.html

– by Stalin Panimayam

கூடங்குளம் அணுமின் நிலையம் – பகிருங்கள், மக்களுக்கு உண்மை தெரியட்டும்

May 17 - Voice for Electricity Issues at Tamil Nadu

தியாக செம்மல் முத்துக்குமாரின் கடிதம் ….

Save Tamils Movemnt

வலைப்பூ பதிவுகள் – முத்துக்குமரனுக்கு வீரவணக்கம் …..

http://www.padaipali.com

முத்துக்குமார் – வீர வணக்கம்…. முகநூல் நண்பர்களின் பதிவுகள் ….

முத்துக்குமார் – இன உணர்வாளர், ஈகி. அவரது மரண வாக்குமூலம் அவரது கோழைத்தனமான முடிவை நியாயப்படுத்தியது !

அந்த சாசணம் வெளிக்கொணாரப்படும் வரை அவரை கோழை என்று வசை பாடிய அனைவரின் வாயையும் மூடியது. அவரது ஆழ்ந்த ஈழ விடுதலையின் நியாயத்தை, இன்று தமிழ்தேசியவாதிகளே வியக்கும் வண்ணம் எடுத்துரைத்த அந்த ஈகி உயிருடன் இருந்து இருக்க வேண்டியவர் என்று வருந்தாதவர் எவறும் இல்லை. அந்த மகத்தான தமிழ் இன உணர்வாளரை போற்றி புகழ் பாடுவதோடு நில்லாமல் அந்த வீரனின் பெற்றோர் மற்றும் சகோதரியின் வாழ்வாதாரத்திற்கு நம்மால் ஆன உதவிகளை செய்வதே சரியானதாக இருக்கும். அதை யார் முன்னெடுத்து செய்வார்கள்?

மன்னை முத்துக்குமார்

——————————————————————————-

வீர திருமகன் முத்துக்குமார் நினைவு நாளில் அனைவரும் கூட்டம் போட்டு தன் இன உணர்வுகளை வெளிகாட்டுகிற நேரத்தில் அவர் உயிர் நீத்த சாஸ்த்ரி பவன் இருக்கும் இடமான ஹாட்டௌஸ் சாலைக்கு முத்துகுமரனின் பெயரை சூட்ட சொல்லி ஹட்டௌஸ் சாலையில் மறியல் செய்து கைதாகி அரசிடம் தொடர்ந்து 3 ஆண்டாக வேண்டுகோள் வைக்க அழைக்கிறோம்!! இந்த செயலை கூட்டம் போடுகிற அனைத்து இனமான தோழர்களும் ஒருங்கே சொல்வதின் மூலம் அரசின் கேட்காத காதுகளுக்கு புரிய வைப்போம்!!

அமைப்பு கடந்து, சாதி கடந்து, மதம் துறந்து, கட்சி மறந்து தமிழனாக மனிதனாக அந்த தியாக செம்மலின் பெயரை அந்த சாலைக்கு பெயராய் வைக்க போராடுவோம்!! தொடர்ந்து இதற்காக போராடி வரும் வரும் தமிழர் எழுச்சி இயக்கத்தின் தோழர்களை பாராட்டுவோம்!! தயவு கூர்ந்து ஒற்றுமையாய் இந்த செயலை செய்தால் வெற்றி நிச்சயம் என்பதை நோக்கி ஒத்த கருத்தில் இணைவோம்!! போராட்ட களத்திற்கு வர தயாராய் இருப்போர் தொடர்பு கொள்ள : 9710854760

Thamizh Selvan

——————————————————————————-

மற்றவர்களுக்கு எப்படி என்று தெரியாது.. ஆனால் என்னளவில் முத்துக்குமார் தன் உடலில் பற்ற வைத்த நெருப்பின் எச்சத்தை எப்போதும் என் கோடுகளில் வைத்திருக்க ஆசைப்படுகிறேன்.
வீர வணக்கம் தோழனே..

நீ பற்ற வைத்த நெருப்பை அணையாமல் பார்த்துக்கொள்வோம் ..

Muthukumar - Jan 29

——————————————————————————-

எனது அண்ணன் முத்துக்குமார் உயிராயிதம் ஏந்துவதற்கு முன்னதாக எழுதிவைத்த,

விதியே விதியே என் செய்ய நினைத்திட்டாய் என் தமிழ்ச்சாதியை…

என்று தொடங்கும் கடிதத்தை ஆண்டுகள் 3 கடந்த பின்னர் படிக்கும் போதும், உணர்ச்சிகளை கட்டுப்படுத்த இயலவில்லை.

வீரவணக்கம்.

——————————————————————————-

நம் பிறப்பு சாதரணமாக இருக்கலாம்…
ஆனால் நம் இறப்பு சாதரணாமாக இருக்க கூடாது……என்பதை நிரூபித்த ……….

தன் இறப்பின் மூலம்…ஒரு இனத்தையே உலுக்கிய அந்த தங்க மகனுக்கு இன்று நினைவஞ்சலி………….

பலருக்கு சாட்டயடி
பலருக்கு பாடம்
பலருக்கு இழப்பு
பலருக்கு கண்ணீர்
பலருக்கு ஆற்றாமை என அனைத்தையும் தந்த அந்த இறப்பு…… தமிழனின் வரலாற்றில் ஒரு அதிர்வலை……

உற்றார் உறவினர் நண்பர் அழலாம்………ஆனால் ஒரு இனமே அழுத பாக்கியம் உனக்கு மட்டும் தானய்யா சொந்தம்….ஆம் இன்று தமிழினத்தின் தங்க மகனாம் முத்துக்குமரனுக்கு நினைவலை……….

நாங்கள் தமிழர் என்பது உண்மையானால்…என்றாவது ஒரு நாள் ஒரு தமிழ் உணர்வாளன் ஆட்சி பீடம் ஏறுவான்…அன்று சென்னையின் மைய பகுதியில்…உன் நினைவாக மாவீரர் சதுக்கம் எழுப்புவோம்….

——————————————————————————-

Martyr.Muthukumars Demand no #9
” When the Tigers were weakened militarily, the Upcountry Tamils were targetted, and it is feared that in the future that area might be subjected to a major genocidal pogrom. So, a referendum must be conducted among the Upcountry Tamils to know whether they want to join Tamil Eelam. In this matter, the decision of the Upcountry Tamils shall be final. ”
A vision hardly seen in the so-called tamil-indian intelligentsia who creates hue & cry about the rights of marginalized people of Srilanka.

We bow our heads and Salute our Leader. – MAY 17 movement.

——————————————————————————-

தமிழ் இளைஞர்களின் முகவரியான முத்துக்குமாருக்கு வீரவணக்கம் சாகும் தருவாயில் உன் சாதி என்னவென்று கேட்டதற்கு ”தமிழ்ச்சாதி” என்று இறுமாப்புடன் சொன்ன நம் தலைவன் மாவீரன் முத்துக்குமாரின் கோரிக்கைகள் இன்றும் நிறைவேற்றப்படாமல் இருக்கிறது. தமிழ்த்தேசியத்தின் மாபெரும் போராளியாய், வரலாற்றில் நிற்கக் கூடிய அந்த மாவீரன், எங்களைப் போன்று ஒராயிரம் இளைஞர்களை பிடரியில் அடித்து களத்திற்கு விரட்டியவன்.

அவன் கோரியதைப் போல அவன் ஒரு ஆயூதமாக பயன்படுத்தப்பட்டு, கோட்டைகளை தகர்த்தெரிய அவனுடல் பயன்படுத்தப்படமுடியாமல் போன அந்தக் காட்சிகள் நம் கண்முண்ணே இன்றும் நிற்கின்றன. திரண்டு எழுந்த மக்கள் கூட்டத்தை, மாற்றத்திற்காய் பயன்படுத்தப்படமுடியாமல், அதிகார பீடங்களை உடைத்தெறிய ஒன்றினைக்காமல் திணறிய புரட்சியாளர்களையும், கோபம் கொண்ட இளைஞர்களை கண்டு திகைத்து நின்ற அரசியல்வாதிகளையும் வரலாறு கண்டது.

நம் எழுத்தையும், பேச்சையும் நடைமுறையாய் மாற்ற இயலாத ஒரு வார்த்தைக் குவியல்களாய் உதிர்ந்து விழுந்ததை கண்ட கணங்கள் அவை. இளைஞர்கள் கைப்பற்றிய முத்துக்குமாரின் உடல்; இளைஞர்களிடமிருந்து கைப்பற்றப்பட்ட முத்துக்குமாரின் உடல் என்று வரலாறு சரிந்ததை நாம் கண்டோம். அனைத்தையும் வெல்லும் ஆயுதத்தை நாம் அனைவரும் கூடி எரித்த நாள் அந்த நாள். துனீசியாவில் எரிந்த இளைஞன் ஏகாதிபத்திய அடிமை அரசுகளை எரித்த புரட்சியை கடந்த வருடம் உலகம் கண்டது. போரிடும் வாளை மூலையில் சாத்தி, அதை சம்பிரதாய சடங்காக்கிய வல்லமையை தமிழரிடத்தில் இன்று உலகம் காண்கிறது. அவனது உடல் 2009மே மாதத்தில் முள்ளிவாய்க்காலில் முதன்முறையாய் எரிக்கப்பட்டது.

அவன் எதற்காய் பதைபதைத்தானோ, நாம் மரங்களென நிற்க அது நம் கண்முண்ணே நடந்து முடிந்தது. நாம் முத்துக்குமாரை ஏமாற்றினோம் என்பதற்கான சாட்சியாய் இனப்படுகொலை இன்றும் நடந்து கொண்டு இருக்கிறது. முத்துக்குமார் இறுதியில் உரைத்த “தமிழ்ச்சாதி” நேற்று பரமகுடியில் தோற்றது. கோரிக்கைகள் மாறவில்லை. எதிரிகள் தோற்கவில்லை. துரோகிகள் தண்டிக்கப்படவில்லை. தமிழர்கள் பாதுகாக்கப்படவில்லை. தமிழீழ கோரிக்கை சர்வதேசத்தால் நேசிக்கப்படவில்லை.

நமது எதிரிகள் அடுத்தக் கட்ட நகர்வை முன்னெடுத்துவிட்டார்கள். நமது அரசியலை பின்னுக்குத் தள்ளுகிறார்கள். நமது கோரிக்கையை புறக்கணிக்கிறார்கள். இதற்காகத் தான் இளைஞர்களிடத்தே மாற்று அரசியலை முன்னெடுக்கச் சொன்னான் முத்துக்குமார். உலகஅரங்கில் தமிழர்கள் ஆகப்பெரும் பலம் வாய்ந்த சர்வதேச இனமாய் நிற்க வேண்டும். உலகின் ஒவ்வொரு மூலையில் வாடும் தமிழர் துயர் துடைக்க நமது சர்வதேச ஆற்றல்களை ஒருங்கிணைக்கும் கூடாரமாய் நம் இளைஞர்கள் மாறவேண்டும். நாம் ஒவ்வொருவரும், நமது ஒவ்வொரு நாளிலும் குறைந்தபட்ச நேரத்தை தமிழர்களின் அரசியல் – சமூக – பொருளாதார கட்டமைப்புகளை கட்டி எழுப்ப பயன்படும் வேலைகளுக்கு செலவிடுவோம் என்று இன்று சூழுரைப்போம்.

ஒன்றினைந்து நிற்கும் இந்திய-பார்ப்பன-இலங்கை கூட்டின் சதித் திட்டங்களை முறியடிப்பது ஒட்டுமொத்த தமிழினமும் தனக்கான எதிர்கால அரசியலை முன்னெடுப்பதற்கான அடிப்படை வேலையாகும். இந்தக் கூட்டணியை உடைக்காத தமிழ்ச்சமூகம் தனது அரசியலை ஒரு போதும் சாத்தியப்படுத்திவிட முடியாது. உருவாகிவரும் தமிழ்பார்ப்பன-அமெரிக்க ஒத்துழைப்பு நடவெடிக்கைகளை நம் சமூகம் ஊன்றி கவனித்து அதை முறியடிப்பதை முதற்கடமையாக கொள்ள வேண்டும். தமிழீழ விடுதலைப் புலிகளை தோற்கடிக்க சர்வதேசத்தில் எந்த சக்திகள் முயன்றனவோ அதே சக்திகள் இன்று தமிழரிடத்தின் நலனில் அக்கறை இருப்பதாக காட்டிக்கொண்டு நகர்வதை நம்புவதற்கான முட்டாள் சமுதாயமாக நாம் மாறாமல் இருக்க வேண்டுமானால், இளைஞர்கள் நாம் பல்வேறு வேலைகளை பல்வேறு தளங்களில் முன்னெடுக்க வேண்டும்.

இதுவே நம் தலைவன் முத்துக்குமாருக்கு நாம் அளிக்கும் மாபெரும் வீரவணக்க நிகழ்வாகும். தனது சாவிற்கு, நம்மை அழைத்த முத்துக்குமார் நமது கையில் கொடுத்துச்சென்றது தமிழ்க்குழந்தைகளின் எதிர்காலத்தை. அரசியல்-சமூக-பொருளாதார விடுதலையை பெற்றச் சமூகத்தை நாம் அவர்களுக்காய் உருவாக்க வேண்டும். நமது குறிக்கோளை முத்துக்குமார் வரையறுத்தான். நமது அரசியல் அறிவிற்கான தேடலை முத்துக்குமார் தொடங்கி வைத்தான். ”இயக்கமாவொம்” என்று நம்மைச் சொல்லவைத்தான். நமது அடையாளமாய் முத்துக்குமார் மாறினான்.

அரசியலை முகமறியா சாமானியர்கள் முன்னெடுப்பதை சாத்தியப்படுத்தினான் நம் தோழன். சாதியை முறிப்போம்; நாம் தமிழ்ச்சாதியாவோம். இனவெறி மாய்ப்பொம்; நம் இனவிடுதலையை முன்னெடுப்போம். வசனங்கள் தவிர்ப்போம்; செயல்களில் இறங்குவோம். எதிரிகளின் பலத்தை வீழ்த்துவோம்; ஒவ்வொரு தினமும் தமிழர் நாம் வலிமையாவோம். உலகெங்கும் நிகழும் தேசிய இனஎழுச்சியை ஆதரிப்போம், நம் தமிழீழ விடுதலையை வென்றெடுப்போம். முத்துக்குமாரின் இந்த மூன்றாமாண்டு தினத்தில் நமது வீடுதோறும் முத்துக்குமாருக்கு வீரவணக்கம் செலுத்துவோம்.

முத்துக்குமாரின் புகைப்படம் நமது வீதிதோறும் பொது மக்களின் வணக்கத்திற்காக வைப்போம். முத்துக்குமாரின் இந்த தினம் தமிழரின் எழுச்சித்தினமாய் வரலாறு அறியட்டும். சாமானிய மக்களாகிய நாம், மக்கள் அரசியலை முன்னெடுப்போம். நம் தோழனின் வீரவணக்க நிகழ்வை நாம் தான் வீதிதோரும் முன்னெடுக்க முடியும், அதுவே நமது கடமையாகும். ஊர்தோரும், வீதிதோரும், முத்துக்குமாரின் வீரவணக்க நிகழ்வு நிகழட்டும். தமிழர்கள் வாழும் ஓவ்வொரு வீதியிலும் முத்துக்குமாரின் புகைப்படம் நிற்கட்டும், தமிழர்களை வழிகாட்டட்டும் தமிழர்கள் நாம் வெல்வோம். மே பதினேழு இயக்கம்.

Thirumurugan Gandhi

——————————————————————————-
தமிழ் சொந்தங்கள் உயிர் காக்க தன் இன்னுயிர் நீத்த முத்துக் குமரனுக்கு வீர வணக்கம் வீர வணக்கம் – ராஜ்குமார் பழனிசாமி
Muthukumar - Jan 29
உன் தியாகத்தால் திடுக்கிட செய்தவனே..
உனக்கு பல ஆயிரம் கைகள் கூடி
வணக்கங்கள் வீரமாக கூப்பினாலும்
எங்கள் கரம் தன்னில் கறைகள்
ஆயிரம் உண்டு…
——————-
தணல் தமிழா !! முத்து குமரா !!
நாங்கள் இழந்த வீரத்திற்கு
வித்தாகி போனாயே..
உன்னை இழந்து இழந்த
உரிமையை மீட்டெடுக்க மரித்தவனே…
உயிரை கொடுத்து உணர்வை
மீட்டி மீள செய்தவனே !!!!
குன்றில் நின்ற விளக்காய் எரிந்து சென்றாயே..
உன் தியாகத்தால் திடுக்கிட செய்தவனே..
உனக்கு பல ஆயிரம் கைகள் கூடி
வணக்கங்கள் வீரமாக கூப்பினாலும்
எங்கள் கரம் தன்னில் கறைகள்
ஆயிரம் உண்டு…
உன் இழப்புக்கு ஈடு செய்ய
ஈடாக உன்னை தொடர இழப்புகள் பல..
இத்துணை மரணத்திற்கும் மறுபதில் மறுப்பை
தவிர மண்ணாங்கட்டியும் எங்களிடம் இல்லை..
இனி மரணித்து அல்ல !!! மரணம் விளைவித்தே
உணர்ப்பிக்க முடியும்,,
ஏனெனில் இது வரை இழப்பு எம்மில் மட்டுமே…..
தை திங்கள் பதினைந்து..போனது உன்னுயிர் மட்டுமல்ல !!!
——————————————————————————-
முத்துக்குமாருக்கு வீரவணக்கம் வீரவணக்கம் வீரவணக்கம் செய்கின்றோம் – ஜனவரி 29
எங்களுக்கு என்று ஒரு நாள் இரு தேசம் பிறக்கும். அன்று சாஸ்திரி பவன் முத்துக்குமார் இல்லமாகும். அங்கு அவனுக்கு நாம் சிலை எழுப்புவோம் கோட்டம் கட்டுவோம். எம்மை அழித்தவனின் கொட்டம் அடக்குவோம்.
தூங்கிகொண்டு இருந்த எம்மீது தீயை தெளித்து எழுப்பியவனே உன்கனவு நினைவேற பாடுபடுவோம்.
வீரவணக்கம் வெறும் வணக்கம் அல்ல. வீழ்ந்த எம்மினம் எழும்வணக்கம்.
எழுக தமிழினமே எழுக… எழுக தமிழகமே எழுக…
எழும் எங்கள் ஈழம்,.. தமிழீழம்…
மாவீரன் முத்துக்குமார் புகழ் ஓங்குக!!!…
——————————————————————————-
“அன்பு அண்ணன்
தமிழின் இனிமை போல
இனிப்பானவர்….
நெல்லி கனி போல்
கருணையும் கண்டிப்பையும்
கொண்ட இரு குணம் கொண்டவர்…
அன்பு தேசத்தின்
முடி சூடா மன்னன்..
எங்கள் நட்பிற்கு கிடைத்த
அருமை அன்பு அண்ணன்..
பாசம் பயிர் செய்யும் வற்றாத ஜீவ நதி..
எங்களை நாட வைக்கும் நெல்லை சீமை,,
அதனால் நாங்கள் கொடுப்போமே அன்பு சுமை..
சுகமாய் என்றும் இருப்போம் உங்கள் அரவணைப்பில்..
அகவை முப்பத்திஆறில் அடிவைக்கும்..
அண்ணா…
வாழ்த்த வயது குறைவதால் வணங்கி வாழ்த்துகிறேன்…
இந்த சொந்தம் இன்று போல்
உங்கள் நூறாவது வயதிலும்
வாழ்த்துரைக்க வரம் வேண்டுமென
நம்மை இணைய வைத்த
ஆண்டவனை நேசிக்கிறேன்…”
——————————————————————————-
Muthukumar - Jan 29
நீ நம் இனத்துக்காக எனக்கும் சேர்த்து செய்துவிட்டாய்..
நீ செய்ததற்காகவே நான் செயல்படுகிறேன்…
நீ சாம்பலாகிபோன அன்றிலிருந்து
உன் கனவு என் வேலை..
உன் ஆசை என் பணி..
உன் எண்ணம் என் செயல்..
உன் கோரிக்கை என் அரசியல்…
உன் ஏக்கம் நோக்கி என் ஓட்டம்..
அநீதிக்கு எதிராக தீயை சுமந்ததால் என் சகோதரானவனே, என் சகோதரர்கள் அறிவாயுதம் ஏந்தி இருக்கிறார்கள் என்ற உன் நம்பிக்கை என் முழு வாழ்க்கை..

உன் தாகமும், தமிழர்களின் தாகமுமாம் தமிழீழத்தாயகம் அடையவும, தமிழர் வாழ்வு மேன்மை அடையவும் அறிவாயுதம் ஏந்தி போரிடுவேன் என்று உறுதி கூறுகிறேன்..

தமிழர்களின் தாகம்.. தமிழீழத்தாயகம்..

——————————————————————————-
உன்னை தீபமாக்கி எங்களின் இருண்ட கண்களுக்கு ஒளி தந்தாயே…!! உனக்கு ஒரு வீரவணக்கம் மட்டும் சொன்னால் என் மனம் ஆறுதல் அடையாது..!! உனது கனவுகள் மெய்ப்பட ஈழத்தை உனக்கு காணிக்கையாக்குவோம்..!! இது சத்தியம்..!!
——————————————————————————-

ஈழத்துக்கு தீபன், தமிழகத்துக்கு முத்துகுமார்.

மாவீரர்கள்,முத்துகுமார், செங்கோடி இவர்களின் தியாகத்தால் என்றும் அணையாத நெருப்பாக இருந்து கொண்டிருக்கிற்து தமிழின தாகம்.

இன்று முத்துகுமார் அவர்களது நினைவு நாளில் முத்துகுமாருக்கு எமது வீரவணக்கம்.

——————————————————————————-

MVI : Rename the ” KILPAUK GENERAL HOSPITAL” as a “MUTHUKUMAR GENERAL HOSPITAL”..

MVI:  Let all Tamilans Put pressure on the Tamil Nadu Government to Rename the ” KILPAUK GENERAL HOSPITAL” as a “MUTHUKUMAR GENERAL HOSPITAL”..

Muthukumar was not brought dead but had his last breath at Kilpauk hospital after giving the famous statement….

From – vizhithezhu iyakkam, Mumbai

Srithar Tamilan

——————————————————————————-
Muthukumar - Jan 29
//உலகத் தமிழினத்தின் வரலாற்றில் அன்புத்தம்பி முத்துகுமாரனுக்கு என்றுமே அழியாத இடம் உண்டு : விடுதலைப்புலிகள்//
——————————————————————————-
ஆகாயத்தை நூலால் அளக்க முடியும்…அந்த
ஆழக்கடலை காலால் அளக்க முடியும்…
பூலோகத்தை புதிதாய் அளக்க முடியும்…
கரும்புலிகளை இங்க யாரால்
அளக்க முடியும்…கரும்புலி இதயம் இரும்பென
எழுதும்
கவிதைகள் பொய்
ஆகும்
அது இரும்பினிலில்லை அரும்பிய
முல்லை என்பதே மெய் ஆகும்சாவை தன் வாசலில் சந்திக்கும் போதிலே
யாருக்குமே உடல் வேர்க்கும்…
அந்த தேவ பிறவிகள் சாவை தொடுகையில்
சாவுக்குத்தானெடா வேர்க்கும்
வளர்த்த கோழி உரித்திடாத
வாழ்வை எடுத்தவர்
அவர் படுக்கும் பாயில் வளர்க்கும்
நாயை கிடக்க விடுபவர்…காங்கை நெருப்புக்கள் தூங்குவதே இல்லை
யாருக்கு இங்கே இது தெரியும்…
கரும் வேங்கைகள்
தாகங்கள் ஏதென தாங்கிடும்
வேர்களுக்கே இது புரியும்…
இலக்கை நோக்கி நகரும் போதும்
கணக்கை பார்ப்பவர்
அவர்
வெடிக்கும்
போதும்
அனுப்பும்
தோழர்
உறவை காப்பர்
——————————————————————————-

Muthukumar - Jan 29மாவீரன் முத்துக்குமாரோடு பழகிய சில நாட்கள்

தூத்துக்குடி மாவட்டம் கொழுவைநல்லூர்  கிராமத்தில் பிறந்தவர் அண்ணன் முத்துக்குமார். எனது கிராமத்தின் மிக அருகில் உள்ள கிராமம்.

என்னை விட ஐந்து வயது மூத்தவர். அவர் படித்த பள்ளியில்தான் (TDTA High School, Maranthalai) நான்  படித்தேன்.

சிறுவயதிலேயே மிகுந்த தமிழுணர்வு கொண்டவர். எப்போதும் மிக அமைதியாகவே இருப்பார். எப்போதும் நூலகத்தில்தான் இருப்பார்.

தூய தமிழில்தான் பேசுவார். இது அப்பள்ளியில் படித்த பலருக்கும் தெரியும். இதனை வைத்து அவரை கேலி செய்தவர்களும் உண்டு.

ஆனாலும் தன மனந்தளராமல் தூய தமிழில் பேசுவதை தொடர்ந்தார். தமிழ் நாடகங்களில் மிகுந்த ஆர்வம் உடையவர்.

பள்ளி நாடகம் ஒன்றில் முனிவர் வேடமிட்டு அவர் வீரவசனம் பேசியது நன்றாக ஞாபகம் இருக்கிறது..

படிப்பிலும் மிக திறமைசாலி. பத்தாம் வகுப்பு பொதுத்தேர்வில் 460க்கு மேல் மதிப்பெண் பெற்று பள்ளியில் இரண்டாம் மாணவனாக திகழ்ந்தார்.

இவரது வகுப்பில் எப்போதும் இவர்தான் வகுப்புதலைவராக இருப்பார். அந்த அளவிற்கு அனைத்து மாணவர்களிடமும், ஆசிரியர்களிடமும் நல்லபெயர் எடுத்தவர்.

அவரது கிராமத்தில் நடக்கும் நிகழ்ச்சிகளில் ஆர்வத்துடன் பங்குபெற்று உரையாற்றுவார். தமிழ் நாடகங்களை சிறுவர்களுக்கு சொல்லிகொடுத்து நடிக்க சொல்லுவார்.

ஏழ்மையின் காரணமாக பள்ளிப்படிப்பை அவரால் தொடர முடியவில்லை. அதன்பின்னர்தான் அவர் சென்னை வந்தார்.

இயக்குனர் ஆக வேண்டும் என்ற ஆர்வமும் அவருக்குள் இருந்ததாகவும்,  ‘பனைமரம்’ என்னும் சிறுதொடர் எழுதியுள்ளதாகவும் அவரது நண்பர் ஒருவர் என்னிடம் சமீபத்தில் கூறினார்..

பின்னர் சில ஆண்டுகள் அவரை நான் பார்க்கவே இல்லை. நானும் சென்னையில் உள்ள ஒரு தனியார் பொறியியல் கல்லூரியில் வந்து சேர்ந்தேன்.

நான் படித்த கல்லூரியில் அண்ணன் முத்துக்குமார் அவர்கள் காவலாளியாக வேலை பார்த்துகொண்டிருந்தார். பார்த்தவுடன் கண்கலங்கியது..

அவர் தானாகவே முன்வந்து என்னிடம் நலம் விசாரித்தார். சில நிமிடங்கள் பேசிக்கொடிருந்தோம்.

நான் தங்கியிருந்த கல்லூரி விடுதிக்கும் காவலாளியாக வருவார். அப்போதும் பேசிக்கொண்டோம்.

அப்போது ‘C Programming’ என்னும் கணிப்பொறி  மொழியை  யாருடைய உதவியும் இன்றி அவராகவே படித்தார். அண்ணா பல்கலைக்கழகத்தில் படிக்கும் மாணவர்கள் அதை படிப்பதற்கு திணறுவார்கள்.  மிக எளிமையாக அதனை கற்றுக்கொண்டு, என்னிடமும் விளக்கினார்.

அவ்வாறு கற்கும் ஆர்வமும், கற்பிக்கும் ஆர்வமும் அண்ணன் முத்துக்குமாரிடம் அதிகம் இருந்தது.

அண்ணன் முத்துக்குமாரிடம் எந்த அளவிற்கு தூயத்தமிழ் பேசுவாரோ, அதே அளவிற்கு தூய்மையாக ஆங்கிலமும் பேசுவார். வேலையை விட்டு நின்றுவிட்டதாகவும், ‘வார இதழ்’ ஒன்றில் வேலை செய்வதாகவும் சக காவலாளி ஒருவர் கூறினார்.

பின்னர் இரண்டு ஆண்டுகள் அவரை பார்க்கவே இல்லை. பின்னர் அவரது படத்தை தினத்தந்தி   செய்தித்தாளில்தான் பார்த்தேன். மிக அதிர்ச்சி அடைந்தேன்.

ஆம்,  ‘இனப்படுகொலையை நிறுத்தக்கோரி தூத்துக்குடி வாலிபர் தீக்குளித்து மரணம்’.

என்ன செய்வது என்றே தெரியவில்லை. மறுநாளே கல்லூரிகளையும் விடுதிகளையும்  மூடச்சொல்லி அப்போதைய திமுக அரசு உத்தரவிட்டது.

மிகுந்த துயரத்தோடு தூத்துக்குடிக்கு சென்றேன். அவரைப்போன்ற தமிழுணர்வாளர்களின் இழப்பு ஈடு செய்ய முடியாத ஒன்று.

அவரோடு பழகிய சிலநாட்களில்  ஒருமுறைகூட அவர் தமிழ் பற்றியோ, தமிழ் ஈழம் பற்றியோ, விடுதலைப்புலிகள் பற்றியோ என்னிடம் பேசியது கிடையாது.

அவர் இறந்தபின்னர் அவரது மரண அறிக்கையை படித்த பின்னர்தான் அவரது தமிழுணர்வை முழுமையாக புரிந்து கொள்ள முடிந்தது.

அவர் ஏற்றிவைத்த புரட்சித்தீயில் என் போன்ற இன உணர்வற்றவர்கள் விழித்துக்கொண்டோம். முத்துக்குமாரின் கனவு நனவாகும் என்ற நம்பிக்கை மட்டுமே மிச்சம் உள்ளது.

அவரது தியாகத்தை கொச்சைபடுத்தும் சில மூடர்களும் நம் மண்ணில்  இருப்பது மிக வருத்தம்..

தமிழர்களே, கொஞ்சமாவது இன உணர்வு கொள்ளுங்கள். இங்குள்ள எந்த அரசியல்வாதியையும் நம்ப சொல்லவில்லை.. ஈழம் நம் பூமி என்பதை மட்டும் நம்புங்கள், ஆதரியுங்கள். ஈழம் அடைந்தே தீர வேண்டும்

——————————————————————————-
இந்திய தேசிய கோயிந்தாகவும், ஏதோ ஒரு சாதிக்காரனாகவும், ஒரு நடிகனின் ரசிகனாகவும், ஏதோ ஒரு சாமியின் பக்தனாகவும், ஒரு கட்சியில் உடன்பிறப்பாகவும் என்னை நானே முடக்கிபோட்டிருந்த என் ‘இரைத்தேடி விட்டில் பூச்சி’ வாழ்கையை தீயிட்டு கொளுத்தி என் இன எதிரியின் கருவறுக்க என்னை போராளியாக்கி எனக்கு போர்க்கவசம் பூட்டி சாதியையும், இன எதிரிகளையும் தீயிட்டு கொளுத்து என்று சொல்லி தன்னை தானே சுட்டுப்பொசுக்கும் தீக்கு தின்னக்கொடுத்த என் அண்ணன் மாவீரன் முத்துகுமாருக்கு வீரவணக்கம்! வீரவணக்கம்!!!
——————————————————————————-
Muthukumar - Jan 29
உறங்கிகிடந்த தமிழ் பிணங்களை தட்டி எழுப்பிய தியாக சுடர்
——————————————————————————-
தூங்கிய தமிழனை தட்டி எழுப்ப தீ நாக்கிற்கு தன்னையே இரையாக்கி, இன்று தாய்தமிழகத்தில் அனைவரும் புலிக்கொடியை ஏந்துவதற்கு துனிச்சலையும், தமிழ் தேசியத்தை முழங்குவதர்க்கு தைரியத்தையும் கொடுத்த தமிழ்தேசிய தியாகி முத்துக்குமார் அவர்களுக்கு வீரவணக்கம்!!!
——————————————————————————-
விழுந்துவிட்ட
தமிழனுக்காய்
கொழுந்துவிட்டு
எரிந்தவனே
கொஞ்சம்
நெருப்பைக்கொடு
காங்கிரஸ் கட்சியை
எரித்துவிட்டுத்தருகிறான்
——————————————————————————-
என்றாவது ஒரு நாள் ஒரு தமிழ் உணர்வாளன் ஆட்சி பீடம் ஏறுவான்…அன்று சென்னையின் மைய பகுதியில் உன் நினைவாக மாவீரர் சதுக்கம் எழுப்புவோம்….///**** இது உணர்ச்சியின் பிதற்றல் அல்ல, ஒவ்வொரு உணருவுள்ள தமிழனின் உறுதிமொழி, உன் கனவை மெய்ப்பிப்பதே என்னை போன்ற உணர்வாளர்களின் லட்சியம், உன் தியாகாத்ிர்க்கு எங்கள் சிரம் தாழ்ந்த மரியாதை
——————————————————————————-
தன்னுயிர் ஈந்த மாவீரன் முத்துகுமாருக்கு வீர வணக்கங்கள்**
ஈகையில் சிறந்தவள் தாய்
பெற்ற தாய் தன் குழந்தைக்காக தன் உயிரையே கொடுப்பாள்தமிழ் இனவாழ்வுக்காக தன்னையே தந்து தாயைவிட, கடவுளைவிட சிறந்தவனாக விளங்குகிறார் மாவீரன் முத்துகுமார்.எட்டுத்திக்கும்,
முத்துகுமார் புகழ் பரவட்டும், புரட்சி ஒங்கட்டும்
ஒற்றுமை ஒலிக்கட்டும்
——————————————————————————-

One of the Demands for Martyr.Muthukumar who self-immolated to stop the Genocidal war on Tamils in 2008-09

“Because the UN Secretary General Ban Ki Moon is always functioning with a bias towards his homeland China, he must not be given the power to take any decision regarding Eelam.”

Though he was wrong in identifying the BanKi Moon’s nativity, his prediction on Ban Ki Moons’ intent stood the time. No wonder why thousands of tamil youths accepted him as their leader, though they knew him only after his death.Now it is more evident that to Punish the Criminals of Tamil Genocide, one has to first punish Mr.Ban Ki Moon for protecting the criminal Govt Of Srilanka.

Thirumurugan Gandhi

——————————————————————————-

In his final demands Martyr Muthukumar

… “While the International Community shall have the right to recognize Tamil Eelam which is going to be formed, only the people of Tamil Eelam shall have the right to decide under whose leadership it should be formed.”He is absolutely right in understanding vested interests of so-called International Community who mastered the art of making puppet govts across the history.

We are proud to be his followers – MAY 17 movement

——————————————————————————-
இன விடுதலைக்கான போராட்டத்தை உயிர்ப்பிக்க செய்த உயிர் தியாகம் உடனடியாக போய் சேராமால் மழுங்கடிக்கப்பட்டாலும், இதன் தாக்கம் என்னை போன்றவர்களின் உள்ளத்தில் ஊடுரவ செய்திருக்கிறது.. முத்துக்குமாரின் உயிர்த்தியாகத்தின் நோக்கம் என் சம காலத்திலோ அல்லது அடுத்த தலைமுறையிலோ நிறைவேறும். நிச்சயம் நிறைவேறும்,அன்று நீ விதைத்தாய் … விதையாக பரவி கிடக்கிறோம் என்று மட்டும் நினைக்காதே மரமாகும் வரை வேர்கள் கண்ணுக்கு தெரியாது…வீர வணக்கம்! வீர வணக்கம்! முத்துகுமாருக்கு வீர வணக்கம்!